Hawa thami thi zaroor lekin..

Hawa thami thi zaroor lekin..
woh sham jaisay sisak rahi thi..
k zard pattoN ko aandhiyoN nay,
ajeeb qisa suna dia tha..
k jis ko sun kar tamam pattay,
sisak rahay thay, bilak rahay thay..
Jaanay kis sanaaTay k gham mein..
shajar jaRoN se ukhaR chukay they..
bohat talasha hamnay tumko..
har aik rasta, har aik waadi..
har aik parbat, har aik ghaaTi
magar kahin sey khabar na aai..
to ye keh kar dil ko ham ney taala..
hawa thamay gi to deikh leiN ge..
ham uss k rastoN ko dhoohnd leiN ge..
magar hamari ye khush khyaali..
Jo ham ko aksar na raas aai..
hawa thami thi zaroor lekin..
baRi he mudat guzar chuki thi..
hamaray baaloN k jungloN meiN..
sufaid chaandi utar chuki thi..
Falak pe taray nahiN rahay thay..
Gulab pyary nahiN rahay thay..
woh jin say basti thi dil ki basti..
woh loug saaray nahiN rahay thay..
magar ye almiyaa tha sab sey bad'tar..
k ham tumharay nahiN rahay thay..
tum hamaray nahiN rahay thay..
hawa thami thi zaroor lekin..