Faqat "Tamheed" hoti hain,
Jo aksar tum say kehti hun
"Sunao aur kaisay ho?"
"Suno Sardi boht hay na?"
"Nahi mausam to acha hay"
"Chalo acha mein chalti hun"
"Dubara phone kar lungi"
ye sari be'sabab batain,
faqat tamheed hoti hain,
is tamheed main JANA,
Guzar jatay hain sab lamhay
Guzar jatay hain jab lamhay,
to phir mein sochti hun k,
zara si baat hi to hay,
tumhain jaldi say keh dun gi,
"Mujhe tum se Mohabbat hay"
"Boht zyada Mohabbat hay"
No comments:
Post a Comment